Lankidetza hitzarmen honi esker, Mondragon Unibertsitatea Mexikok eta Fagor Automationek, datorren ikasturtetik aurrera zenbakizko kontrolen alorrean berariazko formazio bat bultzatuko dute.
MONDRAGON Educación Internacional (Mei) 2010ean sortu zen Mondragon Unibertsitatea eta Alecop. S. Coop -en arteko aliantza batetik. MONDRAGON korporazioaren barruan helburu argi batekin egin zen aliantza: goi mailako hezkuntza zentroak sustatzea eta kudeatzea, korporazioko hezkuntza erakundeek pilatutako ezagutzan oinarrituta.
2011tik Mexikon
2011n, MONDRAGON Korporazioak, Queretanoko UCO Unibertsitatea eskuratu zuen MONDRAGONeko Nazioarteko Hezkuntza sarean (MEI) sartuz, sarea horretan daude Kolonbia eta Saudi Arabiako eskola profesionala. MEI-k 70 urteko historia du pertsonetan, komunitatean eta gizartean oinarritutako hezkuntza zerbitzuan.
Egun, MONDRAGON Unibertsitatea Mexikok, 15 ikasketa profesional eta 8 maestria eskaintzen ditu eta herrialdeko unibertsitate partikular onenen artean dago, Goi mailako hezkuntza partikularreko erakunde mexikarren federazioak (FIMPES-ek), bermatuta dago eta herrialdean ordaindutako eskola profesionalen %2,5 bakarrik daude.
Marijo Pagaldai, MEi-ko lehendakaria, pasa den martxoan Fagor Automation eta MONDRAGON Unibertsitatea Mexikoren arteko hitzarmenaren sinaduran egon zen. “MONDRAGON nazioarteko hezkuntza proiektuaren barnean, gure Euskadiko hezkuntza eredua, inguruneko industria eta kooperatibekin lotura handia duena, Mexikon ezarri nahi dugu. Horrela, MONDRAGON Unibertsitatea Mexikok Queretanon kokatutako kooperatiben zerbitzura lana egiten du, gehienak MONDRAGON korporaziokoak dira”. Lankidetza hitzarmenari esker, “Fagor Automation eta MONDRAGON Unibertsitatea Mexikok, Fagor Automation izena daraman ikasgela edo laborategian berariazko ikastaroak eskainiko ditu non parte-hartzaileek Fagor CNC-ak erabiltzen ikasiko duten”.
Unibertsitatea Queretanon MONDRAGONeko kooperatiba gehienak dauden eremuan kokatuta dago, beraz hitzarmenak oraindik eta gehiago bultzatuko du enpresa eta unibertsitate arteko harremana eta beraien arteko elkarlana.
Fagor Automation ikasgela edo laborategia
Espazio honen inaugurazioan parte hartu zuten administrazio mexikarreko ordezkariek, baita Fagor Automationekoek eta unibertsitatekoek. Rafa Aranzabalek, Fagor Automationeko salmenta buruak, balioan jarri nahi izan zuen lankidetza hitzarmena bera eta hezkuntza zentroen eta kooperatiben arteko elkarlana. “Ikasgela hau azken belaunaldiko zenbakizko kontrolekin instalatuta dago eta gainera lagundu egiten du eremu horretako gainerako enpresekin lotura. Horrela ikasleek profesionalen laguntzarekin kana egingo dute eta gure kontrolak erabiltzen ikasiko dute”.
Ikasgelak bisitak antolatuko ditu Fagor Automation Mexikoko bezeroentzat, ikasleentzako praktikez gain kaptazio zerbitzuak ere eskainiko zaizkie ikasleei zein interesatuei zenbakizko kontrol aurreratuenak, adierazi zuen Aranzabalek.
Bestetik, UMx-eko Errektoreak, Arturo Alvarado Hierrok, espazio horien inaugurazioak ikasleen mailako ikasketak osatzen ditu eta. “UMx-ren balio garrantzitsuetako baten adibidea da, elkarlana, enpresek inbertitzea erabakitzen dute queretanoko gazteek eta formazio arloko profesionalek aukerak izan ditzaten” adierazi zuen errektoreak.
Aliantza estrategikoa
Aliantza estrategiko bat da MONDRAGON Unibertsitatea Mexiko, Fagor Automation Mexiko eta Caja Inmaculada, aurrezki eta maileguen elkarte kooperatiboaren artean eta onuradunak izango dira Finantza administrazioko eta Finantzetako karreretako ikasleak eta baita, Fagor ikasgelan Ingeniaritza mekatronikako eta Ingeniaritza industrialeko ikasleak, zehaztu zuen errektoreak.
Inaugurazioan egon ziren, Fgaor Automationeko Amerikara zuzendari orokorra, Rafa Aranzabal; Caja Inmaculadako zuzendari gerentea, Enrique Alva Cardoso; Caja Inmaculadako Administrazioko Lehendakaria, Lilia Alamilla Aguilera; Mondragon Unibertsitatea Mexikoko kontseiluko lehendakaria, José Madariaga; MONDRAGON korporazioko ordezkaria Mexikon, Teresa Fernández Fernández; Eusko Jaurlaritzako ordezkaria Mexikon, Ibon Mendibelzua eta MONDRAGON nazioarteko hezkuntzako lehendakaria, Marijo Pagaldai.
Iturria: TUlankide Zkiaº601 Maiatza-Ekaina 2017