Fagor Automationen harreman estua dugu mundu osoan dauden Zerbitzu Zentro baimenduekin, eta aldizan-aldian prestakuntza jardunaldiak antolatzen ditugu gure produktuen azken aurrerapenen berri izan dezaten eta 5 kontinenteetan dauden gure bezeroei zerbitzurik onena eskaini diezaieten.
Azaroaren 21, 22 eta 23an egin ziren jardunaldi horiek Fagor Automationen instalazioetan, eta arrakastatsuak izan ziren. Gure nobedadeak erakusteko eta, era berean, euren merkatuen berezitasunak ezagutzeko aukera izan genuen.
Kaptazio sistemen, CNCen eta Fagor Digital Suiten gaineko prestakuntza
Hiru egun trinko izan ziren, lantzen ari garen produktu eta sektore guztietan adituak diren pertsonek parte hartu ziren bertan. Eskerrik asko Singapur, Suedia, Polonia, Bulgaria, Turkia eta Alemaniatik prestakuntza saioetara hurbildu zinetenoi.
- Prestakuntza eguna: enkoderrak
Lehen egunean, nagusiki, Serie3 enkoder linealen familia berriak erakutsi genizkien, eraztun enkoder absolutuak UTSeriea, enkoder lineal irekiak eta abar, eta han inplementatu diren hobekuntza guztiak ikusi ahal izan zituzten.
- Prestakuntza eguna: CNC
Bigarren egunean, CNCen Quercus eta Optima sistemak aurkeztu ziren. Era berean, prestakuntza teknikoa eman zen sistema horiek beren merkatuetako hainbat makinatan instalatu ahal izateko eta gure bezeroen egungo premiekin bat datorren zerbitzu tekniko eta mantentze zerbitzu bat eskaini ere eskaini ahal izateko. Bertaratutakoek CNCen interfaze berriarekin HMIelite ere elkarreragin ahal izan zuten.
- Prestakuntza eguna: CNCen aplikazioak
Prestakuntza tekniko-komertzialen jarraipen gisa, hirugarren eguna CNC aplikazioei buruzko saio tematikoak eman ziren prestakuntza osatzeko, esaterako, fresatzeko makinetan, tornuetan, artezteko makinetan, laser makinetan, eta beste makina batzuetan duten aplikazioei buruzkoak, non alor bakoitzeko adituek aplikazio horietara bideratutako makinak optimizatzeko Fagor Automationeko produktuei aplikatu zaizkien aurrerapenak aurkeztu zituzten.
Eta prestakuntza amaitzeko, eskaintzen ditugun zerbitzu aurreratuak erakutsi genituen, eta, zerbitzu horien artean, Fagor Digital Suite tailerren digitalizaziorako soluzioa nabarmendu zen. Izan ere, bezeroek asko eskatzen dute beren ekoizpen plantak digitalizaziorako soluzio bat eta horri erantzuteko garatu da.
Fagor Automationen horrelako topaketak antolatzen jarraituko dugu, bertan, gure aurrerapen teknologikoak erakusteaz gain, gure nazioarteko zerbitzu sarearekiko harremanak estutzen baititugu, eta merkatu bakoitzaren berezitasunak ezagutzen, haientzat gure irtenbiderik onena eskaini ahal izateko.
